ഹസ്തസ്യ ഭൂഷണം ദാനം
സത്യം കണ്ഠസ്യ ഭൂഷണം
ശ്രോത്രസ്യ ഭൂഷണം ശാസ്ത്രം
ഭൂഷണൈ ഃ കിം പ്രയോജനം?
പദങ്ങളുടെ അർത്ഥം
ഹസ്തസ്യ - കയ്യിൻ്റെ
ഭൂഷണം - അലങ്കാരം, ആഭരണം
ദാനം - കൊടുക്കൽ (ചതുരുപായങ്ങളിൽ ഒന്ന്)
കണ്ഠസ്യ - കഴുത്തിൻ്റെ (തൊണ്ടയുടെ)
ശ്രോത്രസ്യ - ചെവിയുടെ
ശാസ്ത്രം - എക്കാലവും നിലനിൽക്കുന്ന സത്യത്തെ കുറിച്ചുള്ള ജ്ഞാനം (knowledge of eternal reality)
ഭൂഷണൈ ഃ - ഭൂഷണങ്ങൾകൊണ്ട്
കിം പ്രയോജനം - എന്തു പ്രയോജനം
അന്വയം
അർഹതപ്പെട്ടവർക്കു ദാനം നൽകുക എന്നതാണു കയ്യിന് അലങ്കാരം. തൊണ്ടയുടെ (ശബ്ദസ്ഥാനത്തിൻ്റെ ) അലങ്കാരം സത്യം പറയുക എന്നതാകുന്നു. ചെവിയ്ക്ക് ശാസ്ത്രമാണ് അലങ്കാരം. അങ്ങനെയുള്ളപ്പോൾ മറ്റു ഭൗതികാലങ്കാരങ്ങൾ കൊണ്ട് നമുക്കെന്താണു പ്രയോജനം? മനുഷ്യർ മറ്റെന്തിനേക്കാളും ദാനശീലത്തിനും സത്യസന്ധതയ്ക്കും ശാസ്ത്രജ്ഞാനത്തിനും വില കല്പിക്കുന്നവരായിരിക്കണമെന്നു സാരം.